नेपाली काँग्रेस बागमती प्रदेशको नेतृत्व चयनका लागि भएको मतदानको मतगणना जारी छ । सभापति पदको ५०० मत गन्दा जगदीश्वर नरसिंह केसी अगाडि छन् । उनले २५७ मत पाउँदा इन्द्र बानियाँले २४३ मत पाएका छन् । यस्तै २ मत बदर भएको छ ।शनिबार भएको त्रिपक्षीय भिडन्तमा केसी, बानियाँ र भीमसेनदास प्रधान कसैले पनि ५० प्रतिशत मत कटाउन नसकेपछि आज पुनः मतदान भएको थियो । दोस्रो चरणमा केसी र बानियाँ बीच सभापतिमा प्रतिस्पर्धा भएको छ ।
