असार १८, काठमाडौं । सिटिजन्स बैंक इन्टरनेशन लिमिटेडले सिर्जना फाइनान्सलाई प्राप्ति गरे पश्चात सिटिजन्स बैंक इन्टरनेशनको नामबाट असार २६ गतेदेखि एकीकृत कारोबार शुरु हुने भएको छ ।
दुवै कम्पनीको जेठ २७ गते सम्पन्न छुट्टाछुट्टै वार्षिक साधारण सभाले सिटिजन्स बैंकले सिर्जना फाइनान्सलाई प्राप्ति गर्ने सम्बन्धी प्रस्ताव पारित गरेको थियो ।
एकीकृत कारोबारका लागि नेपाल राष्ट्र बैंकले असार १५ गते र कम्पनी रजिष्ट्रारको कार्यालयले असार १७ गते अन्तिम स्वीकृति दिएसँगै असार २६ गतेदेखि एकीकृत कारोबार शुरु हुन लागेको हो ।
प्राप्ति पश्चात बैंकको रजिष्टर्ड कार्यालय काठमाडौं महानगरपालिका वडा नं. १ नारायणहीटी पथमा रहने कम्पनीले जानकारी दिएको छ ।
साथै, डाटा माइग्रेशन प्रयोजनको लागि दुवै कम्पनीको कारोबार असार २५ गते साँझ ५ बजेदेखि २६ गतेसम्म बन्द रहने समेत जानकारी दिइएको छ ।