काठमाडौं (अस) नेपालका लागि क्लासिक लिजेन्ड्सको अधिकृत वितरक अग्नि ग्रुपको सहायक कम्पनी अग्नि मोटोइंक प्रालिले सुर्खेतमा नयाँ डिलर विस्तार गरेको छ । कम्पनीले वीरेन्द्र नगरपालिका–३ मूलपानी जुम्ला रोडमा एमपी मोटोहब स्थापना गरेको हो । एमपी मोटोहबमा पूर्ण सञ्चालित जावा मोटरसाइकलको सोरुममा जावा मोटरसाइकल बिक्री गरिनेछ । बिर्तामोड, धरान, इटहरी, विराटनगर, लहान, पोखरा, नारायणघाट, बुटवल, भैरहवा र नेपालगञ्जका विभिन्न शाखा र डिलर भएका स्थानमा सुलभ रूपमा जावा मोटरसाइकल उपलब्ध गराइरहेको छ ।
अग्नि मोटोइन्क प्रालिका महाप्रबन्धक शरद मिश्रले बुधबार सोरुम उद्घाटन गरे । उनले क्लासिक लिजेन्ड्सका जावा मोटरसाइकल बिक्री गर्न यस क्षेत्रका ग्राहकलाई सहज होस् भने सोरुम खोलिएको बताए । एमपी मोटोहबका प्रबन्ध निर्देशक रोशन तिवारीले नयाँ सोरुमबाट जावा मोटरसाइकल बिक्री–वितरण हुने जानकारी दिए । सुर्खेत सोरुमबाट जावा, जावाफोर्टी–टु र फ्याक्ट्री–निर्मित पहिलो बब्बर पेराक मोडलसहित विभिन्न मोडल बुक गर्न सकिनेछ । वीरेन्द्रनगरपालिका–३ मूलपानी, जुम्ला रोड र वरपरका क्षेत्रमा टेस्टराइड सञ्चालन गरिनेछ ।
