दण्डहीनता, खुला भ्रष्टाचार र अपारदर्शिताले रोगी शासन व्यवस्थालाई दीर्घरोगी बनाउने खतरा हुन्छ । हामीसँग खेर फाल्ने समय छैन । अब शासनमा सुधारका लागि अर्थात् सुशासन र विधिको शासनका लागि लडाइँ गर्नु आवश्यक छ ।
सुशासन नहुँदा लोकतान्त्रिक पद्धति निर्माणमा बाधा पुग्छ । असल शासन व्यवस्थाका संस्थागत आधारहरू खडा गर्न र तिनलाई सक्रिय लोकतन्त्रको लाभांश जनतालाई दिलाउन लागिपरेका मुलुकहरूले मात्र उन्नति देख्न पाएका छन् ।
