संसदको सार्वजनिक लेखा समितिले स्वास्थ्य सामग्री खरिदमा अनियमितता भएको निष्कर्ष निकाल्दै अख्तियारलाई थप अनुसन्धान गर्न निर्देशन दिएको छ। समितिको शुक्रबारको बैठकले स्वास्थ्य मन्त्री भानुभक्त ढकालसँग प्रष्टिकरण लिएपछि समितिले निर्णयमा भनेको छ, ‘स्वास्थ्य सामग्री खरिद प्रकरणमा छानबिन गरी कानुनी कारबाही अघि बढाउन अख्तियार दुरूपयोग अनुसन्धान आयोगलाई निर्देशन दिने।’
