पाहुना टोली रेडपान्डा फुटबल क्लब सिक्किमलाई ५–१ गोल अन्तरले हराउँदै आयोजक झापा फुटबल क्लब सेमिफाइनलमा प्रवेश गरेको छ।
बिहीबार भएको अन्तिम क्वाटर फाइनलमा पाहुना टोली सिक्किमको रेडपान्डालाई फराकिलो गोल अन्तरले हराउदै सेमिफाइनलको यात्रा तय गरेको हो।
झापा–११ का लागि विमल घर्ती मगरले २ गोल गर्नुभयो। मगरले दुबै गोल पेनाल्टीबाट गर्नुभएको हो। बाँकी गोल क्याप्टेन विशाल राई बी र विश्वास श्रेष्ठले गर्नुभयो। रेडपाण्डाले झापा–११ लाई एक गोल उपहारमा पाएको थियो।
