काठमाडौं। बाग्मती प्रदेश सरकारले प्रदेशका थप सात अस्पतालमा अक्सिजन प्लान्ट जडान गर्ने भएको छ। रामेछाप जिल्ला अस्पताल,धादिङ जिल्ला अस्पताल, काठमाडौँको टोखा अस्पताल,ललितपुरको जिल्ला अस्पताल, चितवनको रत्ननगर अस्पताल, काभ्रेको धुलिखेल अस्पताल र सिन्धुपाल्चोकको जिल्ला अस्पतालमा अक्सिजन प्लान्ट जडान गर्ने प्रक्रिया अघि बढाइएको छ। आठकरोड ५० लाखको लागतमा सात अस्पतालमा अक्सिजन प्लान्ट जडान गर्न बोलपत्र आह्वान गरिएको सामाजिक विकास मन्त्रालयले जनाएको छ।