जनकपुरधाम : सिरहामा अज्ञात समूहले धारिलो हतियार प्रहार गरेर मृत छोडिएको अवस्थामा बुवा र छोरा आफ्नै कोठामा फेला परेका छन्। घरमा सुतिरहेको अवस्थामा सिरहाको अर्नमा गाउँपालिका-१ महनौरका करिब ६० वर्षीय चुलाही भन्ने चन्देश्वर पाल र उनका १९ वर्षीय छोरा सन्तकुमार पाल मृत फेला परेका हुन्। सन्तको विवाह जेठ ११ का लागि तय भएकाले स्थानीय महिलाहरू विवाह गीत गाएर आ–आफ्नो घर गएपछि बुवा छोरा करिब १२ बजे सुतेका थिए। छुट्टाछुट्टै कोठामा सुतेका बुवा र छोराको सुतिरहेकै ठाउँमा धारिलो हतियार
