काठमाडौं (अस) । जगदम्बा मोटर्सले मलेसियन अटोमोबाइल गाडी प्रोटोन एक्स७० आउँदो वैशाख १५ गते भर्चुअल माध्यमबाट सार्वजनिक गर्ने भएको छ ।
भर्चुअल लञ्च कार्यक्रमपछि प्रोटोन कार्स नेपालको आधिकारिक फेसबुक पेजमार्फत प्रत्यक्ष प्रसारण गरिने कम्पनीले जानकारी गराएको छ । भर्चुअल लञ्च कार्यक्रममा सहभागिता जनाउनेलाई जगदम्बा मोटर्सले विभिन्न आकर्षक उपहार दिइने बताएको छ ।
प्रोटोन अटोमोबाइलले १९८५ मा प्रोटोन साँगाको रूपमा आफ्नो पहिलो कार बजारमा ल्याएको थियो । प्रोटोनका गाडी हाल संसारका ७० भन्दा धेरै मुलुकमा उपलब्ध रहेको आधिकारिक बिक्रेता जगदम्बा मोटर्सले जानकारी दिएको छ ।
जगदम्बा मोटर्सका अनुसार प्रोटोन एक्स७० अत्याधुनिक फिचर्स तथा डिजाइनका कारण एसयूभी रहेको छ । यसमा निहुरिएको आकारको फ्रन्ट बम्पर, फ्लोटिङ रुफ डिजाइन, एलईडी हेडलैम्प, पानी परेको थाहा पाउने वाइपर्सलगायत विशेषता छन् ।
गाडीमा स्टियरिङ ह्विल, ब्लुतुथ फोन नियन्त्रण प्रणाली, ८ इन्चको ठूलो स्क्रिन, स्मार्ट मोबाइलफोन कनेक्टिभिटी प्रणाली जडान गरिएको छ । फाइभस्टार सेफ्टी रेटिङ पाएको यो गाडीमा ६ वेटा एयरब्याग सुविधा छ ।
1699610108.jpeg)
