काठमाडौं (अस) लक्ष्मी बैंकले निष्कासन गरेको २ अर्ब मूल्य बराबरको ८.५५ लक्ष्मी बैंक डिबेन्चर, २०८८ नेपाल स्टक एक्सचेञ्ज (नेप्से) मा सूचीकृत भएको छ ।
सूचीकरणपछि यो ऋणपत्र नेप्सेमा दोस्रो बजार कारोबार गर्न सकिनेछ । बिहीबार सो ऋणपत्र सूचीकरणसम्बन्धी सम्झौतापत्रमा हस्ताक्षर भएको हो । सम्झौतामा नेप्सेका निमित्त प्रमुख कार्यकारी अधिकृत निरञ्जन फुयाल तथा लक्ष्मी बैंकका प्रमुखकार्यकारी अधिकृत अजयविक्रम शाहले हस्ताक्षर गरे ।
