प्रधानमन्त्री केपी शर्मा ओलीले राष्ट्रपति विद्यादेवी भण्डारीसँग बुधवार भेटवार्ता गरेका छन् ।
राष्ट्रपति कार्यालय शीतल निवासमा बिहान १० बजेपछि झण्डै २ घण्टा भेटवार्ता चलेको बालुवाटार स्रोतले बतायो ।
भेटवार्ता नियमित भएको स्रोतको दाबी छ ।
राष्ट्रपति भण्डारीले राष्ट्रिय सभा बैठकलाई सम्बोधन गर्ने इच्छा व्यक्त गरेको कुरा प्रकाशमा आएको थियो ।
बिहीवारको कार्यव्यवस्था परामर्श समितिको बैठकमा राष्ट्रिय सभा अध्यक्षले राष्ट्रपतिले सम्बोधन गर्न चाहेको कुरा जानकारी गराएका थिए ।
