काठमाडौं। हेटिचले नेपालमा नयाँ अत्याधुनिक एप्लिकेसन सेन्टर सञ्चालनमा ल्याएको छ । फर्निचर फिटिङ्स प्रदायक कम्पनी हेटिचले ललितपुरमा आधिकारिक रूपमा नयाँ एप्लिकेसन सेन्टर सञ्चालनमा ल्याएको हो । सेन्टरले ग्राहकलाई हेटिचको अत्याधुनिक फर्निचर फिटिङ तथा हार्डवेयरको प्रयोग गरी घर तथा अफिसका स्पेसमा टच–एन्ड–फिल प्रदान गर्ने बताइएको छ ।
सेन्टरले घर तथा अफिसको लागि नि:शुल्क व्यावसायिक डिजाइन सेवा पनि प्रदान गर्ने बताएको छ । हेटिच इन्डिया, मध्यपूर्व, अफ्रिका र सार्कका प्रबन्ध निर्देशक आन्द्रे इकहोल्टले हेटिचले उपभोक्तालाई आफ्नो वासस्थानको फर्निसिङ अनुभव गर्ने तरिकामा क्रान्तिकारी परिवर्तन ल्याउन सफल भएको बताए । नेपालमा नयाँ हेटिच एप्लिकेसन सेन्टरको स्थापना व्यावसायिक साझेदारसँग दीर्घकालीन दिगो विकासलाई प्रोत्साहन गर्ने कम्पनीको प्रतिबद्धताको प्रमाण रहेको उनको भनाइ छ ।
