लमजुङको दोर्दी गाउँपालिकाले पालिकाभित्र भएका आरन व्यवसायीलाई आधुनिक उपकरण वितरण गरेको छ । परम्परादेखि आरन व्यवसाय सञ्चालन गरेर जीविकोपार्जन गर्दै आएका ९ जनालाई गाउँपालिकाले वेल्डिङ मेसिन, ग्रेन्डर, घन, रेतीलगायतका उपकरण वितरण गरेको हो ।
पालिका भित्रका प्रत्येक वडामा आरन व्यवसाय सञ्चालन गरिरहेको एक÷एक जना गरी ९ जनालाई व्यवसाय सञ्चालनका लागि विभिन्न ९ प्रकारका उपकरण वितरण गरिएको दोर्दी गाउँपालिका कृषि शाखा प्रमुख गोविन्दराज सेढाईले बताए । सेढाईका अनुसार प्रतिव्यवसायीलाई ढुवानीसहित ३० हजार मूल्यबराबरको कुल २ लाख ७० हजराको उपकरण वितरण गरिएको हो ।
