कालिकोटको रास्कोट नगरपालिकाका किसान तरकारी खेती गरेर राम्रो आम्दानी गर्न थालेका छन् । पछिल्लो समयमा व्यवसायिक तरकार खेती गर्न थालेपछि किसानको जीवनस्तरमा समेत सुधार आएको छ ।
रास्कोट नगरपालिका–२ का कविराज न्यौपानेले तरकारी खेती गरे राम्रो आम्दानी हुने बताए । उनले १३ रोपनी जमिनमा विभिन्न जातका तरकारी खेती गरेका छन् । तरकारी खेतीसँगै विरुवा उत्पादन गरेर पनि उनले बिक्री गर्दै आएका छन् । कात्तिक र मंसिरमा प्याजका विरुवा बेचेरै ६० हजार रूपैयाँ आम्दानी गरेको उनले बताए ।
