प्रदेश १ सरकारले स्वायत्त कानुन निर्माण गरेर सञ्चालनमा ल्याएको मनमोहन प्राविधिक विश्वविद्यालयले १० वर्षे कार्ययोजना सार्वजनिक गरेको छ । एक दशकभित्र २ हजार ८ सय ३१ दक्ष प्राविधिक जनशक्ति उत्पादन गर्ने कार्ययोजनामा छ । मोरङको बुढीगंगा–४ स्थित उक्त विश्वविद्यालयले सोमबार धनकुटामा स्नातक तहको विद्यार्थी भर्ना अभियान २०७८/७९ को सन्दर्भमा अन्तरक्रिया गर्दै उक्त जानकारी दिएको हो ।