ग्यारेथ बेलले गत सिजन ऋणमा टोट्टेनह्यामबाट खेलेका थिए । तर, यस सिजन उनले रियल म्याड्रिडबाटै खेल्नसक्छन् । टोट्टेनह्यामका प्रशिक्षक नुनो इस्पिरितो सान्तोषले २०२१–२२ को सिजन बेल आफ्नो क्लबमा नफर्कने पुष्टि गरेका छन् । गत सिजन बेलले टोट्टेनह्यामबाट खेलेका थिए । उनले सेफिल्ड युनाइटेडविरुद्धको खेलमा ह्याट्रिक पनि गरेका थिए । यसक्रममा उनले प्रिमियर लिगमा २० खेल खेलेर ११ गोल गरे ।सन् २०१३ मा विश्व किर्तिमानी मुल्यमा रियल म्याड्रिडमा आबद्ध हुनअघि बेलले टोट्टेनह्यामबाट ६ वर्षसम्म खेलेका थिए ।
