साउन ३२, काठमाडौं । एक्सेल डेभलपमेण्ट बैंकले गत आवको चौथो त्रैमासिक वित्तीय विवरण सोमवार सार्वजनिक गरेको छ । उक्त वित्तीय विवरण अनुसार कम्पनीको नाफा अघिल्लो आवको चौथो त्रैमासको तुलनामा गत आवको सोही अवधिमा ३२ प्रतिशतले वृद्धि भएको छ ।
अघिल्लो आवमा कम्पनीले रू. १० करोड ३६ लाख ६२ हजार खुद नाफा आर्जन गरेकोमा गत आवमा रू. १३ करोड ७० लाख ५४ हजार पुगेको हो । गत आवमा कम्पनीको सञ्चालन नाफामा वृद्धि भएकाले नाफा बढेको हो । सञ्चालन नाफा अघिल्लो आवको तुलनामा गत आवमा ३१ प्रतिशतले वृद्धि भएको हो ।
त्यसैगरी खुद ब्याज आम्दानी भने अघिल्लो आवको तुलनामा गत आवमा २ प्रतिशतले कमी आएको छ । नाफामा वृद्धि भएसँगै कम्पनीको प्रतिशेयर आम्दानीमा पनि वृद्धि भएको छ । अघिल्लो आवमा कम्पनीको प्रतिशेयर आम्दानी रू. १२ दशमलव ७८ रहेकोमा गत आवमा वृद्धि भएर रू. १६ दशमलव ९० पुगेको हो ।
कम्पनीको चुक्तापूँजी रू. ८१ करोड ११ लाख २१ हजार रहेको छ । जगेडामा कम्पनीले रू. २९ करोड ७७ लाख १० हजार, रिटेण्ड अर्निङमा १९ करोड ९७ लाख २६ हजार र शेयर प्रिमियममा रू. ४८ लाख ९० हजार सञ्चित गरेको हो ।
त्यसैगरी, कम्पनीको वितरणयोग्य नाफा रू. ९ करोड ९६ लाख ६९ हजार रहेको छ । मूल्य आम्दानी अनुपात ५० दशमलव ३०, तरलता अनुपात २१ दशमलव १५ प्रतिशत र प्रतिशेयर नेटवर्थ रू. १६१ दशमलव ८७ रहेको छ ।
कम्पनीले ३० प्रतिशत हकप्रद शेयर निष्कासन गर्ने तयारीमा रहेको छ । कम्पनीले रू. एक सय अंकित दरको २४ लाख ३३ हजार ३६३ दशमलव ६७ कित्ता हकप्रद शेयर निष्कासन गर्न बोर्डको अनुमति पाएको हो । बार्डबाट कम्पनीले हकप्रद शेयर निष्कासन गर्नका लागि साउन ३१ गते अनुमति दिएको हो ।
विक्री प्रबन्धक एनआइबिएल एसक क्यापिटल लिमिटेड रहेको छ । हाल कम्पनीको चुक्तापूँजी रू. ८१ करोड ११ लाख २१ हजार रहेको छ । उक्त हकप्रद शेयर निष्कासन पछि पूँजी रू. १ अर्ब ५ करोड ४४ लाख भन्दा बढी पुग्नेछ ।
स्रोत : कम्पनीद्वारा प्रकाशित चौथो त्रैमासिक वित्तीय विवरण
