चन्द्रागिरि नगरपालिकाको वडा नम्बर ८ ले स्थानीय तहको निर्वाचन आचारसंहिता विपरित महिलालाई साडी बाँड्न लागेको छ । वडाले शनिबार महिलाहरूलाई साडी बाँड्न लागेको हो । शुक्रबार वडाध्यक्ष सन्तोष खड्काले हस्ताक्षर गरेको एक सूचनामा महिलाहरूलाई शनिबार दिउँसो २ बजे साडी बाँड्न लागिएको उल्लेख छ । ‘वडा कार्यालयमा साडी पाऊँ भनी आवेदन दिनुभएका दिदी बहिनीहरूले तपशीलको मिति, समय र स्थानमा साडी बाँड्ने कार्यक्रम रहेकोले वडा कार्यालयमा आई साडी बुझिलिनु हुन अनुरोध छ,’ वडाध्यक्ष खड्काले जारी गरेको सूचनामा उल्लेख छ।२८ वटा समूहका महिलाहलाई ७ यि भन्दा बढी साडी बाँड्न लागिएको हो । साडी १ हजार २५० रुपैयाँका दरले किनिएको पाईएको छ । तर, निर्वाचन आयोगका सहसचिव यज्ञ भट्टराईले भने आफूहरुलाई यसको जानकारी आईसकेको र यो काम तत्काल रोक्न भनिएको बताएका छन् ।
