काठमाडौं। लुम्बिनी प्रदेशसभा सदस्य अजय शाही आफूलाई नेकपा एमालेको ह्विप नलाग्ने बताएका छन्। एमालेलाई स्पष्टीकरणको जवाफ फर्काउँदै उनले आफू नवलपरासीबाट स्वतन्त्र रूपमा निर्वाचित भएको बताए। आफू आबद्ध स्वतन्त्र राजनीतिक समूह र एमालेबीचको सम्झौताअनुरूप सूर्य चिह्नबाट निर्वाचित भए पनि पार्टीको सदस्यता नलिएको उनी बताउँछन। माओवादीका मुख्यमन्त्रीलाई साथ दिँदै मन्त्री बनेपछि उनलाई एमालेले २८ साउनमा स्पष्टीकरण सोधेको थियो।
