लामो समयपछि नेपाली राष्ट्रिय क्रिकेट टीमले अन्तर्राष्ट्रिय प्रतियोगिता खेल्ने भएको छ ।
नेपाल, नेदरल्याण्ड र मलेसिया सहभागी हुने गरी आगामी वैशाखमा बजाज पल्सर त्रिदेशीय सिरिज आयोजना गरिएको नेपाल क्रिकेट संघ क्यानले जनाएको छ ।
वैशाख ४ गतेबाट शुरू हुने प्रतियोगिता वैशाख ११ गतेसम्म त्रिभुवन विश्वविद्यालयको क्रिकेट मैदानमा सञ्चालन हुनेछ ।
प्रतियोगिता टी-ट्वान्टी फर्म्याटमा हुने क्यानले जनाएको छ ।
कोरोना महामारीका कारण नेपाली क्रिकेट टीमले लामो समयदेखि कुनै अन्तर्राष्ट्रिय प्रतियोगिता खेलेको छैन ।
