कोरोना संक्रमणबाट धरानमा एक वृद्धाको मृत्यु

काठमाडौं : सुनसरीको धरानस्थित बीपी कोइराला स्वास्थ्य विज्ञान प्रतिष्ठानमा ७६ वर्षीया महिलाको कोरोना संक्रमणबाट मृत्यु भएको छ। प्रतिष्ठानका सहप्रवक्ता डा. चुरामणि पोखरेलका अनुसार ती महिलाको शुक्रबार राति १ बजे उपचारका क्रममा मृत्यु भएको हो।धरान उपमहानगरपालिका–९ की ती महिलामा शुक्रबार कोरोना भाइरस पुष्टि भएको थियो। उनलाई सोही दिन अस्पताल भर्ना गरिएको थियो। कोरोनाविरुद्धको खोप लगाएकी ती महिला मधुमेहकी बिरामी रहेको डा. पोखरेलले बताए।