काठमाडौं । चालू आर्थिक वर्ष (आव)को पाँच महीनामा १४ जीवन बीमा कम्पनीहरूले रू. ६१ अर्बभन्दा बढी बीमा शुल्क आर्जन गरेका छन् ।
नेपाल बीमा प्राधिकरणको तथ्याङ्क अनुसार यी कम्पनीले मङ्सिर महीनासम्ममा १ करोड ३७ लाख ५४ हजार ४८३ वटा बीमालेख विक्री गरी रू. ६१ अर्ब ७४ करोड ७१ लाख कुल बीमा शुल्क आर्जन गरेका हुन् । यो रकम गत आवको मङ्सिर महीनासम्मको तुलनामा ३ दशलमव ७५ प्रतिशत बढी हो । सो अवधिमा कम्पनीहरूले कुल रू. ५९ करोड ५१ लाख बीमा शुल्क आर्जन गरेका थिए ।
चालू आवको पाँच महीनामा सबैभन्दा बढी बीमा शुल्क आर्जन गर्नेमा नेपाल लाइफ इन्स्योरेन्स छ । कम्पनीले मङ्सिर महीनासम्ममा रू. १६ अर्ब ७६ करोडभन्दा बढी बीमा शुल्क आर्जन गरेको छ ।
यो सूचीमा दोस्रोमा नेशनल लाइफ इन्स्योरेन्स छ । कम्पनीले रू. ७ अर्ब १६ करोड बीमा शुल्क आर्जन गरेको छ । यस्तै, लाइफ इन्स्योरेन्स कर्पोरेशनले रू. ६ अर्ब ९२ करोड र हिमालयन लाइफ इन्स्योरेन्सले रू. ६ अर्ब ७९ करोड बीमा शुल्क आर्जन गरेका छन् ।
गत वर्षको तुलनामा चालू आवको ५ महीनामा अधिकांश जीवन बीमा कम्पनीले व्यवसाय बढाउन सफल भएका छन् । सरकारी स्वामित्वमा रहेको राष्ट्रिय जीवन बीमा कम्पनीसँगै सन नेपाल लाइफ र एलआइसी नेपालको व्यवसाय भने घटेको छ भने बाँकी सबै कम्पनीको व्यवसाय बढेको छ ।
गत आवको तुलनामा चालू आवमा सबैभन्दा कम बीमा शुल्क आर्जन गर्नेमा प्रभु महालक्ष्मी लाइफ इन्स्योरेन्स छ । यस कम्पनीले मङ्सिर मसान्तसम्ममा रू. १ अर्ब ६७ करोड बीमा शुल्क आर्जन गरेको छ । यो रकम गत आवको यसै अवधिको तुलनामा आर्जन गरेको बीमा शुल्कभन्दा १५ दशलमव ९३ प्रतिशत बढी हो ।
यस्तै, हिमालयन लाइफ इन्स्योरेन्सको बीमा शुल्क १३ दशलमव ३४ प्रतिशत, आइएमई लाइफको ११ दशमलव १८ प्रतिशत र नेशनल लाइफ इन्स्योरेन्सको साढे ९ प्रतिशत वृद्धि भएको छ ।
राष्ट्रिय बीमा कम्पनीको बीमा शुल्क १८ दशमलव ६३ प्रतिशत घटेको छ । गत आवमा कम्पनीले रू. ५ अर्ब ५६ करोड बीमा शुल्क आर्जन गरेकोमा चालू आवमा घटेर रू. ४ अर्ब ५२ करोडमा झरेको हो । सन नेपाल लाइफको बीमा शुल्क ११ दशलमव १७ प्रतिशत घटेको छ ।
कुन कम्पनीले कति आर्जन गरे बीमा शुल्क
स्रोत : नेपाल बीमा प्राधिकरण ।
