.jpg)
माघ १४, काठमाडौं । नबिल म्युुचुअल फण्ड अन्तर्गत सञ्चालित नबिल इक्विटी फण्डले पुस मसान्तसम्मको खुद सम्पत्ति मूल्य विवरण शुक्रवार सार्वजनिक गरेको छ ।
उक्त वित्तीय विवरण अनुसार फण्डले रू. १ करोड ९६ लाख नोक्सानीमा रहेको हो । मंसिर मसान्तसम्ममा पनि फण्डले रू. २५ करोड ५६ लाख नोक्सानीमा थियो । यस आधारमा मंसिर मसान्तको तुलनामा फण्डको नोक्सानी केही घटेको देखिन्छ ।
त्यसैगरी, फण्डको एनएभी भने मंसिर मसान्तको तुलनामा पुस मसान्तमा वृद्धि भएको छ । मंसिर मसान्तसम्ममा फण्डको एनएभी रू. ११ दशमलव ९३ रहेकोमा पुस मसान्तसम्ममा वृद्धि भएर रू.१३ दशमलव ८२ पुगेको हो । त्यसैगरी पुस मसान्तसम्ममा सूचीकृत शेयरमा लगानी रू. १ अर्ब ३३ करोड भन्दा बढी गरेको छ ।
यो लगानी मंसिर मसान्तको तुलनामा २० प्रतिशतले वृद्धि भएको हो । फण्डले मंसिर मसान्तसम्ममा सूचीकृत शेयरमा रू. १ अर्ब १० करोड गरेको थियो ।
पुस मसान्तसम्ममा फण्डले लगानी गरेका कम्पनीहरुकोे शेयर मूल्यमा वृद्धि भएसँगै सूचीकृत शेयरमा लगानी बढेको हो ।
