अलि लामै समयको प्रतीक्षापछि आज हामी रामराजाप्रसाद सिंह स्वास्थ्य विज्ञान प्रतिष्ठानको निर्माण कार्यको शुभारम्भ गर्ने बिन्दुमा आइपुगेका छौँ । हामीसँग जमिन प्राप्त भएको छ, डिजाइनहरू बनेका छन् र यससम्बन्धमा बजेटको पनि व्यवस्था भइसकेको छ । अब यस निर्माण कार्यलाई अगाडि बढाउने कुरामा कुनै प्रकारको व्यवधान छैन । मेरो पनि इच्छा थियो कि सकेसम्म छिट्टै रामराजाप्रसाद सिंह स्वास्थ्य विज्ञान प्रतिष्ठान सप्तरीमा सुरुवात गरौँ र त्यहाँ एउटा भव्य र खोज अध्ययनमूलक, सेवा जनतालाई पु¥याउन सक्ने, भौतिक पूर्वाधार, जनशक्ति, साधन–स्रोत सबैले भरपुर सम्पन्न स्वास्थ्य विज्ञान प्रतिष्ठानको निर्माण गर्न सकौँ । लामो समयदेखिको इच्छालाई मूर्तरूप दिने सन्दर्भमा आज हामीले भवन शिलान्यास गरेका छौँ ।
अब यो हाम्रो सपना छिट्टै नै व्यावहारिक रूपमा वास्तवमा भन्ने हो भने शिलान्यास भएपछि नै सपना पूरा भयो भने हुन्छ । यो काम अब अगाडि बढ्यो नै । यसले छिट्टै पूर्णता प्राप्त गर्नेछ । यहाँबाट हाम्रा नयाँ पुस्ताका भाइबहिनी, बालबालिका र सन्ततिले राम्रो शिक्षा आर्जन गर्न सक्नेछन् । त्यसै गरेर जनताले उच्चस्तरीय, गुणस्तरीय सेवा प्रा
