१३ औं दक्षिण एशियाली खेलकूद (साग) प्रतियोगिता आगामी मंसिरमा हुने भएको छ । नेपाल ओलम्पिक कमिटीले मंगलबार पत्रकार सम्मेलन गर्दै १३औँ साग आगामी डिसेम्बर १ देखि १० तारिख (मंसिर १५ देखि २४)सम्म काठमाडौँमा आयोजना हुने जानकारी दिएको हो ।
थाइल्याण्डको बैंककमा आइतबार बसेको दक्षिण एशियाली ओलम्पिक कमिटीको बैठकले सागको नयाँ मिति तय गरेको कमिटीका अध्यक्षसमेत रहेका नेपाल ओलम्पिक कमिटीका अध्यक्ष जीवनराम श्रेष्ठले जानकारी दिए । सन् २०१९ को मार्चमा आयोजना गर्ने तय भएको प्रतियोगिता पूर्वाधार निर्माणको कारण डिसेम्बरमा सारिएको हो ।
