सदनमा विचाराधीन विधेयक र अध्यादेशलगायतका विषयमा दलीय सहमति नजुटेपछि प्रतिनिधि सभाको बैठक एक साताका लागि स्थगित गरिएको छ । अध्यादेश र विधेयकमा दलीय परामर्श नहुँदा बैठक चैत १८ गतेसम्मका लागि स्थगित भएको हो । प्रतिनिधि सभाका पछिल्ला बैठक शोक प्रस्ताव सामान्य प्रतिवेदनका कार्यसूचीमा सीमित हुँदै आएका थिए ।
सर्वोच्चको फैसलाअनुसार फागुन २३ गतेबाट अधिवेशन सुरु भएको थियो । अधिवेशनका पाँचौँ बैठकसम्म न्याय परिषद्, न्याय सेवा आयोग, महान्यायाधिवक्ताको कार्यालयलगायतका प्रतिवेदन पेस भएका थिए । चालू अधिवेशनको पाँचौँ बैठकसम्म कुनै पनि विधेयक अघि बढाइएका छैनन् । पहिलो बैठकमा नै अध्यादेश पेस गर्ने परम्परा र नियमावलीको व्यवस्था भए पनि पाँचौँ बैठकसम्म अध्यादेश पेस भएका छैनन् ।
मङ्गलबार पनि तीनवटा प्रतिवेदन मात्र पेस भए ।
