काठमाडौं, १९ चैत्र । प्रधानमन्त्री शेरबहादुर देउवा र भारतीय प्रधानमन्त्री नरेन्द्र मोदीले संयुक्त रुपमा पत्रकार सम्मेलनलाई सम्बोधन गरिरहेका छन् । द्विपक्षीय औपचारिक वार्तालगत्तै उनीहरु संयुक्त पत्रकार सम्मेलनमा जुटेका हुन् । प्रधानमन्त्री देउवा र मोदीले जनकपुर–जयनगर रेल सुरुआत र नेपालमा भूकम्पपछि भारतीय सहयोगबाट निर्माण भएका १३० भन्दा बढी स्वास्थ्यचौकीको संयुक्त उद्घाटन पनि गरेका छन् ।
