च्याम्पियन्स लिगको अन्तिम १६ को पहिलो लेगमा प्रिमियर लिग क्लब चेल्सीले फ्रेन्च क्लब लिलमाथि २–० को सहज जीत हासिल गरेको छ । घरेलु मैदानमा भएको खेलमा काइ हाभर्टज र क्रिस्टियिन पुलिसिचले गोल गर्दै चेल्सीलाई जीत दिलाएका हुन् । हाभर्टजले खेलको आठौँ मिनेटमा हकिम जियेचको पासमा गोल गरेका थिए भने ६३ औँ मिनेटमा पुलिसिचले एनगोलो कान्टेको पासमा गोल गरे । यो जीतले दोस्रो लेगअघि चेल्सीलाई फाइदा पुगेको छ । यो सिजन प्रतियोगिताको नकआउट चरणमा अवे गोलको नियम खारेज गरिएको छ ।
