मंसिर २९, काठमाडौं । नेपाल इन्फ्रास्ट्रक्चर बैंक( निफ्रा) को तेस्रो वार्षिक साधारण सभा सम्पन्न भएको छ ।
सभा बुधवार अनुमप फुडल्याड एण्ड ब्याक्वेट बत्तीसपुतली, काठमाडौंमा सम्पन्न भएको हो ।
सभाले ८ प्रतिशत बोनस शेयर र कर प्रयोजनको लागि शून्य दशमलव ४२ प्रतिशत नगद लाभांश वितरण गर्ने प्रस्ताव पारित गरेको छ । साथै सभाले २०७७/ ७८ को वार्षिक प्रतिवेदन छलफल गरी पारित गर्नुका साथै आव २०७८/ ७९ को लागि लेखापरिक्षकको नियुक्ती र निजको पारिश्रमिक निर्धारण गर्ने प्रस्ताव पनि पारित गरेको छ ।
सभाको अध्यक्षता कम्पनीको सञ्चालक समितिका अध्यक्षसमेत रहेका अनुज अग्रवालले गरेका थिए ।
सो अवसरमा सञ्चालक समितिका सदस्यहरु केदारनाथ शर्मा, चन्द्र प्रसाद ढकाल, लालमणि जोशी र शंकर प्रसाद अधिकारीको पनि उपस्थिति रहेको थियो ।
त्यस्तै सभामा प्रमुख कार्यकारी अधिकृत रामकृष्ण खतिवडा, नायव प्रमुख कार्यकारी अधिकृत भुपेन्द्र पाण्डेलगायत उच्चतहका अधिकृतहरुको समेत उपस्थिति रहेको थियो ।
सभाले सर्बसाधारण शेयरधनी समूहतर्फ सुमन पोखरेल र लिमा अधिकारी आचार्यलाई सञ्चालक समितिमा निर्विरोध निर्वाचित गरेको छ ।
.jpg)
