काठमाडौँ । गृह मन्त्रालयले केही सहसचिवहरूको जिम्मेवारी हेरफेर गरेको छ । वातावरण विभागको महानिर्देशकबाट केही दिन अघि गृहमा सरुवा भएका मुकुन्द प्रसाद निरौलालाई सुरक्षा तथा समन्वय महाशाखाको जिम्मेवारी दिएपछि सो महाशाखाका प्रमुख तथा प्रवक्ता फणीन्द्रमणि पोखरेललाई प्रशासन महाशाखामा पठाइएको छ । यससँगै आन्तरिक व्यवस्थापन महाशाखा प्रमुख रहेका सहसचिव प्रदीपकुमार कोइरालालाई प्रवक्ताको जिम्मेवारी दिइएको छ।
