परासी । सुनवल नगरपालिका वडा नं. १ प्रगति टोलमा राष्ट्रिय जनमोर्चाको भेला सम्पन्न भएको छ ।
राजमो नवलपरासीका जिल्लाध्यक्ष तथा अभियान परिचालन समितिका संयोजक किसनबहादुर अधिकारीको प्रमुख आतिथ्यतामा सो भेला सम्पन्न भएको हो ।
कार्यक्रममा राजमोका जिल्ला सल्लाहकार तथा परिचालन समितिका सदस्य उत्तम खरेल र अखिल नेपाल युवक सङ्घका जिल्लाध्यक्ष कुलराज गौतम आतिथ्यता रहेको थियोे ।
भेलाले बेलकुमारी थापाको अध्यक्षतामा सात सदस्यीय टोल समिति गठन गरेको छ । समितिमा उपाध्यक्ष दुर्गा विक, सचिव विजय कुमाल, कोषाध्यक्ष अमर बराली तथा सदस्यहरूमा दुधबहादुर थापा, मकर दर्जी र नैना परियार रहनुभएको छ भने सल्लाहकारमा ओमबहादुर थापा र सोमा सूर्यवंशी मनोनयन हुनुभएको छ।
ओमबहादुर थापाको अध्यक्षता र शेरबहादुर सूर्यवंशीको सञ्चालनमा सम्पन्न भेलामा उपस्थित जनसमुदायलाई गिरिराज ज्ञवालीले स्वागत गर्नुभएको थियोे ।
