आफ्नाे पराजय भुलेर प्रतिस्पर्धीकाे जितमा खुसी साट्नेहरू

काठमाण्डाै – प्रतिनिधि सभा र प्रदेश सभा चुनावको अन्तिम मत परिणाम आउने क्रम चलिरहेको छ । जित्नेहरू फूलमालासहित विजयी उत्सव मनाउन र बधाई थाप्न व्यस्त छन् । हार्नेहरू निराश छन् र हारको समीक्षामा लागेका छन् । कतिपय उम्मेदवार हार्ने पक्का भइसकेपछि मतगणना स्थलबाट बाहिरिए र जितेकालाई बधाईसमेत नदिइकन आफ्नो बाटो लागे । तर चुनावमा कतिपय उम्मेदवार यस्ता पनि भेटिए जसले आफू नै जितेजस्तै गरी खुसी भावमा जित्नेलाई बधाई दिएका छन् । अनि कतै कतै त जित्ने उम्मेदवारको विजयी र्‍यालीमा पुगेर फराकिलो मन देखाएका छन् । अहिले यस्तै भिड...