नेकपा एमालेले पोखरा महानगरपालिकाको मेयरको उम्मेदवार मंगलबार टुंगो लगाउँदैछ। त्यसका लागि पोखरा महानगर कमिटीको बैठक बोलाइएको छ। दिउँसो २ बजे बस्ने बैठकले सकभर सर्वसम्मत नभए लोकतान्त्रिक प्रक्रियाबाट उम्मेदवारको टुंगो लगाउने एमाले पोखरा महानगर कमिटी उपाध्यक्ष तेजनारायण अधिकारीले जानकारी दिए। ‘सर्वसम्मत भए एकजनाको नाम सिफारिस हुन्छ नभए एक महिलासहित तीनजनाको नाम सिफारिस हुन्छ,’ उनले भने।
