बिजुलीको पोल सार्न घूस लिएपछि…

घूस लिएको आरोपमा विद्युत् प्राधिकरणका सुपरभाइजरविरुद्ध आरोप–पत्र दायर

फागुन २३, काठमाडौं । अख्तियार दुरूपयोग अनुसन्धान आयोगले घूस लिएको आरोपमा  नेपाल विद्युत् प्राधिकरणका सब–स्टेशनका प्रमुख सुपरभाइजरविरुद्ध आरोप पत्र दायर गरेको छ । नेपाल विद्युत् प्राधिकरण, काठमाडौं ग्रिड महाशाखा, पाटन, ललितपुर सब– स्टेशनका (प्रमुख) सुपरभाइजर सोमप्रसाद पहाडीविरुद्ध विशेष अदालतमा मुद्दा दायर भएको हो । नेपाल विद्युत् प्राधिकरणले गाडेको बिजुलीको पोल सार्नको लागि सेवाग्राहीसँग रू. १ लाख ४० हजार घूस मागिरहेको भन्ने सूचनाका आधारमा अख्तियार दुरुपयोग अनुसन्धान आयोग, टंगालबाट खटिई गएको टोलीले पहाडीलाई सेवाग्राहीबाट घूस लिइसकेको अवस्थामा गत पुस २९ गते नियन्त्रणमा लिएको थियो । निजलाई बिगो रू. १ लाख ४० हजार कायम गरी सोमवार विशेष अदालत काठमाडौंमा आरोप–पत्र दायर गरिएको आयोगले जानकारी दिएको छ ।