रामेछाप। उमाकुण्ड गाउँपालिका–२ बाम्ती लहरेटोलको एक घरमा आगलागी हुँदा दुई जनाको मृत्यु भएको छ। मृत्यु हुनेमा घरधनी ७८ वर्षीय धनबहादुर कार्की र उनकी श्रीमती ६८ वर्षीया सिता कार्की छन्। आइतबार उनीहरुको जलेर मृत्यु भएको प्रहरीले जनाएको छ। उद्दारमा खटिएको प्रहरीले धनबहादुरका छोरा मनोहर, बुहारी कल्पना र नातिनी स्मारिकाको सकुशल उद्दार गरेको थियो। आगलागीबाट घर पूर्णरुपमा नष्ट भएको छ।
