सिके राउत र विप्लव शान्तिपूर्ण राजनीतिमा आउनु ठूलो उपलब्धि : मन्त्री ज्ञवाली

काठमाडौं । परराष्ट्रमन्त्री प्रदीप ज्ञवालीले अब संविधानभन्दा बाहिर कोही पनि नरहेको बताउनुभएको छ । पृथकतावादी सीके राउत र सशस्त्र गतिविधि गरिरहेका नेत्रविक्रम चन्द ‘विप्लव’ नेतृत्वको नेकपा शान्तिपूर्ण राजनीतिमा आउनु् ठूलो उपलब्धि भएको मन्त्री ज्ञवालीले बताउनुभयो । शुक्रबार ट्वीट गर्दै ज्ञवालीले ‘अब कोही पनि राष्ट्रिय एकता, संविधान र शान्तिपूर्ण राजनीतिबाहिर रहेन’ भन्दै यस महत्वपूर्ण उपलब्धिको मुख्य श्रेय प्रधानमन्त्री केपी ओलीलाई जाने बताउनुभएको छ । सरकार र विप्लव समूहबीच बिहीबार तीन बुँदे सहमति भएको थियो । सोही अनुसार आज प्रधानमन्त्री ओली र नेत्रविक्रम चन्द ‘विप्लव’ ले राष्ट्रिय सभागृहमा हुने सभालाई सम्बोधन गर्दै हुनुहुन्छ । प्रधानमन्त्री ओलीकै पहलमा तराईमा पृथकतावादी गतिविधि गरिरहेको सीके राउत समूह गतवर्ष वार्तामा आएको थियो । त्यसयता तराईमा पृथकतावादी गतिविधि खुल्लारुपमा भएको छैन । पृथकतावादका पक्षधर सिके राउत राष्ट्रिय एकता र संविधानको मूल प्रवाहमा समाहित हुनु र सशस्त्र गतिविधिमा संलग्न विप्लव समूह आफ्ना राजनीतिक क्रियाकलाप शान्तिपूर्ण रूपमा सन्चालन गर्न सहमत हुनु महत्वपूर्ण उपलब्धि हुन्। अब कोही पनि राष्ट्रिय एकता,संविधान र शान्तिपूर्ण राजनीतिबाहिर रहेन।+ — Pradeep Gyawali (@PradeepgyawaliK) March 5, 2021