माघ १६, काठमाडौं । साताको पहिलो कारोबार दिन आइतवार बजार खुलेको तीन घण्टा २० मिनेट अवधिमा नेप्से परिसूचक ३ दशमलव ३७ प्रतिशत बढेको छ ।
नेप्से परिसूचक २ हजार ८७३ दशलमव ७७ विन्दुमा पुगेको हो । उक्त अवधिमा कारोबारमा आएका २२५ ओटा धितोपत्रको ८५ लाख ३४ हजार ६७० कित्ता शेयर रू. ४ अर्ब ४७ करोडमा खरीदविक्री भएको छ । कारोबारमा आएका २२५ ओटा धितोपत्र मध्ये तीन ओटा कम्पनीको शेयरमूल्यमा सर्किट लागेको छ ।
विन नेपाल लघुवित्त,नेपाल इन्फ्रास्ट्रक्चर बैंक र बुद्धभुमि नेपाल हाइड्रोपावर कम्पनीको शेयरमूल्यमा सकारात्मक सर्किट लागेको हो । त्यसैगरी सर्वाधिक शेयर खरीदविक्री अपि पावर कम्पनीको भएको छ । उक्त कम्पनीको रू. १८ करोड ५२ लाख बराबरको शेयर खरीदविक्री भएको छ ।
