मर्स्याङ्दी गाउँपालिकाले आर्थिक वर्ष २०७७/०७८ को योजना कार्यन्वयन व्यवस्थित गर्न जेठ मसान्तभित्रै भुक्तानी गर्ने गरी कार्यायोजना ल्याएको छ ।
असारमा विकास गर्ने परिपाटीलाई हटाउन गाउँपालिकाले भदौ महिनाभित्रै उपभोक्ता समिति गठन गरी अघि बढ्ने कार्यायोजना अघि सारेको हो । चालु आर्थिक बर्षमा सञ्चालन हुने योजनाको कार्यलाई थप व्यवस्थित बनाउने, नागरिकले प्रत्यक्ष परिवर्तन र सुशासनको प्रत्याभूति गर्ने खालको काम गर्ने गाउँपालिकाले जनाएको छ । गाउँपालिका अध्यक्ष अर्जुन गुरुङका अनुसार सोमबार आर्थिक बर्ष २०७७/०७८ को पहिलो बैठक बसेर योजनालाई व्यवस्थित बनाउने निर्णय गरेको हो ।
