भारतमा थपिए ७ हजार ३५० कोरोना संक्रमित, २०२ जनाको मृत्यु

मंसिर २७ नयाँदिल्ली (भारत) । भारतमा गत २४ घण्टामा सात हजार ३५० जनामा कोरोना संक्रमण देखापरेको छ । यसै अवधिमा कोरोना संक्रमणबाट २०२ जनाको मृत्यु भएको केन्द्रीय स्वास्थ्य मन्त्रालयले सोमवार जानकारी दिएको छ । भारतमा अझै पनि ९१ हजार ४५६ जना सक्रिय सङ्क्रमित रहेका सो मन्त्रालयले सोमवार जनाएको छ । यो संख्या ५६१ दिनयताको नै सबभन्दा कम भएको पनि समाचारमा जानकारी दिइएको छ । सक्रिय संक्रमितको यो संख्या कुल संक्रमतिको १ प्रतिशतभन्दा कम भएको जानकारी दिइएको छ । सक्रिय संक्रमितको यो संख्या शून्य दशमलव २६ प्रतिशत रहेको समाचारमा जानकारी दिइएको छ । यो संख्या सन् २०२० मार्चपछिको सबभन्दा कम हो । भारतमा कोरोना शुरु भएबाट हालसम्म चार लाख ७५ हजार ६३६ जनाको कोरोना संक्रमणको कारण मृत्यु भएको छ । गएको २४ घण्टामा भारतमा सात हजार ९७३ कोरोनाबाट मुक्त भएका छन् । यसैसँगै कोरोना शुरु भएयता हालसम्म तीन करोड ४१ लाख  ३० हजार ७६८ लाई कोरोनाको संक्रमण निको भएको छ । भारतमा कोरोना भाइरस निको हुने दर ९८ दशमलव ३७ प्रतिशत रहेको जानकारी दिइएको छ । यो संख्या सन् २०२० को मार्चपछि सबभन्दा बढी भएको सामाचारमा जनाइएको छ । भारतमा कोरोना शुरु भएदेखि हालसम्म ६५ करोड ६६ लाख व्यक्तिको कोरोना परीक्षण भएको छ । यहाँ गत जनवरी १६ बाट कोरोना भाइरसविरुद्ध खोप अभियान शुरु भएको थियो । सो समयदेखि हालसम्म एक अर्व ३३ करोड १७ लाख डोज खोप लगाइएको जानकारी दिइएको छ । रासस/एएनआइ