काठमाण्डाै - स्पेनिस ला लिगा फुटबलमा एट्लेटिको म्यड्रिड र रियल बेटिसले विजयी सुरुवात गरेका छन् ।
एट्लेटिको मड्रिडले गेटाफेलाई उसकै मैदानमा ३–० गोलले हरायो । उसका अल्भारो मोराटाले दुई तथा एन्टोइन ग्रिजमनले एक गोल गरे ।
जितसँगै एट्लेटिको म्यड्रिडले ३ अङ्क जोडेको छ । अर्को खेलमा रियल बेटिसले इल्चेलाई ३–० गोलले नै हराएको छ ।
रियल बेटिसले पनि अङ्कतालिकामा ३ अङ्क जोडेको छ । ला लिगाकै अर्को खेलमा एट्लेटिकाे क्लब र मालोर्काले गोलरहित बराबरी खेलेका छन् ।
