काठमाडौं । बाराही हाइड्रोपावर पब्लिक लिमिटेडले हकप्रद शेयर निष्कासन गर्न स्वीकृति पाएको छ । विद्युत नियमन आयोगले कम्पनीलाई शत प्रतिशत हकप्रद निष्कासनका लागि स्वीकृति प्रदान गरेको हो ।
कम्पनीले हाल कायम चुक्ता पूँजी रू. ५० करोड रहेको छ । यही पूँजीका अधाारमा कम्पनीले शत प्रतिशत हकप्रद शेयर निष्कासन गर्नेछ ।
कम्पनीले ५१ प्रतिशत शेयर रहेको सिकोस खोला जलविद्युत आयोजना ३ दशमलव ४५ मेगावाट र कम्पनीको स्वामित्वमा रहने तल्लो ठेउले खोला जलविद्युत (क्यास्केड) आयोजना ०.७५ मेगावाट निर्माणका लागि हकप्रद निष्कासन गर्न लागेको हो।
यसका लागि साधारणसभामा हकप्रदको अजेन्डा पेस गर्न कम्पनीले आयोगमा अनुमति मागेको थियो । आयोगले असार २६ गते पत्र पठाउँदै साधारणसभामा हकप्रदको अजेन्डा पेस गर्न कम्पनीलाई सहमति प्रदान गरेको हो ।
अब कम्पनीले आवश्यक प्रक्रिया पूरा गरेर नियामक निकाय नेपाल धितोपत्र बोर्ड (सेबोन)मा निवेदन दिई स्वीकृति पाएपछि मात्रै हकप्रद शेयर निष्कासन गर्नेछ ।