कालीकोट – पलाँता गाउँपालिका ९ थिर्पका ३४ वर्षीय जङ्गबहादुर बम कर्णाली नदीमा बेपत्ता हुनुभएकाे छ । आइतवार दिउँसो नदीले बगाएर ल्याएको दाउरा टिप्ने क्रममा बमलाई नदीले बगाएको हो ।
पलाँता ९ थिर्पुका स्थानीयवासी नजिकै वन नभएका कारण वर्षाकाे समयमा नदीले बगाएर ल्याएकाे दाउरा टिप्ने गर्छन् ।
नदीमा बेपत्ता हुनुभएका बमको खोजी भइरहेको जिल्ला प्रहरी कार्यालय कालीकोटका सूचना अधिकारी भूपेन्द्र शाहीले बताउनुभयो ।
