काठमाडौं । सिनर्जी पावर डेभलपमेन्ट लिमिटेडले हकप्रद शेयर निष्कासनका लागि नियामक निकाय नेपाल धितोपत्र बोर्ड (सेबोन) मा निवेदन दिएको छ ।
कम्पनीले २ः१ अर्थात् ५० प्रतिशत हकप्रद शेयर निष्कासनका लागि फागुन ५ गते सेबोनमा निवेदन दिएको हो । कम्पनीको विक्री प्रबन्धकमा सानिमा क्यापिटल लिमिटेड रहेको छ ।
स्वीकृति पाएपछि कम्पनीले प्रतिकित्ता रू. १०० अंकित दरका ४० लाख ३२ हजार ८७५ कित्ता हकप्रद शेयर निष्कासन गर्नेछ । हाल कम्पनीको चुक्तापूँजी रू. ८० करोड ६५ लाख रहेको छ । यही पूँजीको आधारमा कम्पनीले हकप्रद शेयर निष्कासन गर्नेछ ।
कम्पनीले दोलखा जिल्लामा १० मेगावाट क्षमताको निर्माणाधीन सिप्रिङ खोला जलविद्युत आयोजना प्रवद्र्धनका लागि हकप्रद शेयर निष्कासन गर्न लागेको हो ।
