असोज १३, धनकुटा । धनकुटामा बुधवार मिनी म्याराथन दौड प्रतियोगिता सम्पन्न भएको छ । विश्व मुटु दिवसको अवसरमा धनकुटामा मिनी म्याराथन प्रतियोगिता सम्मपन्न भएको हो ।
पूर्व प्रहरी संस्थाको आयोजनामा भएको प्रतियोगितामा पूरुषतर्फ ३० जना र महिलातर्फ ६ जना धावकहरु सहभागी भएका थिए । धनकुटाको बसपार्कबाट शुरु भएको प्रतियोगिता मदनचोक, चुवाबोट, परिचयमोड, भीमनारायण चोक, माथिल्लो कोप्चे, बिहीबारे हटिया, तल्लो कोप्चे, यलम्बर चोक, कोशी ग्याँस हुँदै मदन चोकमा आएर समापन भएको थियो ।
प्रतियोगितामा पुरुषतर्फ रोशन तामाङ प्रथम, सविन राई दोस्रो र शुशिल लिम्बू तेस्रो भएका छन् । उनीहले क्रमश नगद ५ हजार, ४ हजार र ३ हजार रुपैयाँ प्राप्त गरेका छन् । यस्तै महिलातर्फ रेनुका पाख्रिन तामाङ प्रथम, मन्दिरा तामाङ दोस्रो र एलिना लिम्बू तेस्रो भएका थिए उनीहरुले क्रमश नगद ४ हजार, ३ हजार र २ हजार प्राप्त गरेका छन् ।
म्याराथन दौड प्रतियोगिताको विजयीहरुलाई धनकुटा नगरपालिकाका प्रमुख चिन्तन तामाङ, पूर्व डि आइजी दिनेश अमात्य लगायतले पुरस्कार वितरण गरेका थिए ।