काठमाडौं ।मुखमै आएको सत्ता फुत्किएपछि रन्थनिएका काँग्रेस सभापति शेरबहादुर देउवालाई फेरि अर्को दुविधाले गिजोलेको छ।अहिले देउवा प्रचण्ड नेतृत्वको सरकारलाई ढलाउने खेलमा लाग्ने कि विश्वासको मत दिने भन्ने दुविधामा देखिन्छन्। एकाथरि काँग्रेस नेताहरु राप्रपालाई प्रधानमन्त्री दिएर भएपनि एमाले र माओवादीको सत्तासमीकरण भत्काउनुपर्ने जोडमा देखिन्छन्।अर्काथरि नेताहरु भने प्रधानमन्त्री प्रचण्डलाई विश्वासको मत दिएर सभामुख लिनुपर्ने मुडमा देखिन्छन्।
