दाङ : माछा मार्न लगाएको करेन्ट लागेर एक युवकको मृत्यु भएको छ। मृत्यु हुनेमा दंगीशरण गाउँपालिका-६ बागरका २९ वर्षीय गोविन्द सुनार रहेको इलाका प्रहरी कार्यालय तुलसीपुरले जनाएको छ।बागर खोलामा करेन्ट लगाएर माछा मार्ने क्रममा सुनारलाई करेन्ट लागेको थियो। इलाका प्रहरी कार्यालय तुलसीपुरका प्रहरी निरीक्षक झलक शर्माका अनुसार दिउसो करेन्ट लागेका उनलाई उपचारको लागि राप्ती प्रादेशिक अस्पताल तुलसीपुर ल्याइएको थियो। अस्पतालले उनलाई मृत घोषणा गरेको थियो।
