काठमाडौं : नेकपा एमालेका अध्यक्ष केपी शर्मा ओलीले एमालेले चुनाव लड्ने नभएर जित्ने तयारी गर्न नेता कार्यकर्तालाई निर्देशन दिएका छन्।राष्ट्रिय युवा संघ नेपालको पूर्ण बैठकमा सम्बोधन गर्दै उनले एमालेलाई एक्ल्याउने प्रयास गरेको भएपनि सफल नहुने दाबी गरे। उनले भने, ‘हामीले चुनाव लड्ने होइन, जित्ने तयारी गर्नुछ। एमाले विशेष अवस्थामा छ। चारैतिरबाट घेरिएको अवस्थामा छ। तर, आफूलाई विशेष शक्तिका रुपमा एमालेले प्रस्तुत गर्नुपर्छ। चौतर्फी घेराबन्दी भएपनि एमालेलाई एक्ल्याएर कमजोर पार्न सक्दैनन्।
