अष्ट्रेलिया आइसीसी टि–२० विश्वकप क्रिकेटको सेमिफाइनलमा प्रवेश गरेको छ । सुपर १२ को समूह १ को इंग्ल्यान्ड र दक्षिण अफ्रिकाबीचको अन्तिम खेलको नतिजा आफू अनुकुल आएपछि अष्ट्रेलिया सेमिफाइनलमा प्रवेश गरेको हो । अष्ट्रेलियाले सुपर १२ को समूह १ मा दोस्रो स्थानमा रहँदै सेमिफाइनल खेल्ने भएको हो ।दक्षिण अफ्रिकाले इंग्ल्यान्डलाई ११ रनले पराजित गरेपछि यसको फाइदा अष्ट्रेलियलाई भएको हो । इंग्ल्यान्डलाई हराएपनि दक्षिण अफ्रिका भने बाहिरिएको छ ।शनिबारै भएको पहिलो खेलमा अष्ट्रेलियाले वेस्टइन्डिजलाई ८ विकेटले पराजित गरेको थियो । अष्ट्रेलिया चौथो पटक सेमिफाइनलम पुगेको हो । समूह १ को विजेता बन्दै इंग्ल्यान्ड यसअघि नै सेमिफाइनल पुगिसकेको छ । अष्ट्रेलियाले सेमिफाइनलमा समूह २ को विजेतासँग खेल्नेछ । समूह २ को विजेता पाकिस्तान बन्ने निश्चित जस्तै छ ।अष्ट्रेलियाले पहिलो खेलमा दक्षिण अफ्रिकालाई ५ विकेटले हराएको थियो । दोस्रो खेलमा श्रीलंकालाई ७ विकेटले हराउँदा इंग्ल्यान्डसँग ८ विकेटले पराजित भएको थियो । बंगलादेशलाई ८ विकेटले हराएको थियो ।
