काठमाण्डाै – पछिल्लो २४ घण्टामा देशभर ६३ जनामा काेभिड–१९ (कोरोना भाइरस) को संक्रमण पुष्टि भएको छ ।
पीसीआर र एन्टीजेन गरी दुई हजार पाँच सय ३५ जनाको नमुना परीक्षण गर्दा ६३ जनामा कोरोना भाइरसको संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
यही अवधिमा एक सय तीन जना कोरोना संक्रमित निको भएका छन् । योसँगै नेपालमा कोरोना भाइरसका सक्रिय संक्रमितको संख्या एक हजार चार जनामा झरेको छ ।
