पर्यटन वर्ष–२०२० लाई लक्षित गर्दै पाल्पाको रामपुरमा ३ करोड बढी लागतमा होटल नमस्ते पाल्पाको स्थापना गरिएको छ । पाल्पाको रामपुरमा आउदो जनवरी १ मा सुविधासम्पन्न नमस्ते पाल्पा होटल तथा रेस्टुराँको उद्घाटन हुने गरी तयारी पूरा भएको छ । सहरीकरणतर्फ उन्मुख पाल्पाको रामपुर नगरपालिकामा स्वीमिङ पुलसहितको सुविधासम्पन्न होटल सञ्चालनमा आउन लागेको हो । रामपुर नगरपालिका–५ स्थित बेझाड खेतमा निर्माण भएको होटल नमस्ते पाल्पाको जनवरी १ तारिख अर्थात् पुस १६ गते भव्य रूपमा होटलको उद्घाटन गरी नियमित सञ्चालनमा ल्याउने तयारी गरेको सञ्चालक कमल पाण्डेले जानकारी दिए ।
